மழைக்காலம் வந்து விட்டாலே சளி மற்றும் இருமல் போன்ற தொற்றுக்கள் அடிக்கடி ஏற்பட ஆரம்பித்து விடும். சிலருக்கு நோயெதிர்ப்பு சக்தி குறைவாக இருந்தாலும் அவர்கள் அடிக்கடி சளி மற்றும் இருமல் போன்ற தொற்றுக்கு உள்ளாவார்கள். மூச்சுக்குழாய் மற்றும் நுரையீரலின் கீழ் சுவாசக் குழாயில் ஏதேனும் தொற்று ஏற்பட்டால் சளி ஏற்படுகிறது. இது வைரஸ், பாக்டீரியா மற்றும் பூஞ்சை போன்ற நோய்த்தொற்றால் ஏற்படுகிறது. இப்படி ஏற்படும் சளித் தொல்லையை எப்படி வீட்டு வைத்திய முறைகள் மூலம் போக்கலாம் என அறிந்து கொள்வோம்.
சளி ஏற்படுவதற்கான ஆபத்து காரணிகள்
நிமோனியா, லேசான தொற்று, காச நோய், நுரையீரல் புற்று நோய், மூச்சுக் குழாய் அழற்சி போன்ற நோய்கள் சளியை ஏற்படுத்துகிறது. நாள்பட்ட மூச்சுக் குழாய் அழற்சி, ஆஸ்துமா போன்ற காற்றுப் பாதை நோய்களாலும் சளி உண்டா கிறது.
சளியை குறைக்க சிறந்த வழி அதைக் கண்டறிந்து அதை சுவாசப் பாதையில் இருந்து முழுமையாக அகற்ற வேண்டும். சளியை குறைக்க நீராவி பிடித்தல், வெதுவெதுப்பான நீரைப் பருகுதல் போன்ற விஷயங்களை செய்து வரலாம். இதனால் நுரையீரலில் இருந்து அதிகப்படியான சளியை வெளியேற்ற முடியும்.
சளி இருமலைக் குறைக்கும் தேன் இஞ்சி
1 தேக்கரண்டி தேனை 1 தேக்கரண்டி இஞ்சி சாறுடன் சேர்த்து கலந்து கொள்ள வேண்டும். இந்த சிரப்பை பருகி வர தொண்டைப் புண் மற்றும் வறட்டு இருமலை போக்க முடியும். ஒரு நாளைக்கு 3 முறை என தேவையான அளவு எடுத்துக் கொள்ள வேண்டும்.
தொண்டை வலியால் ஏற்படும் வீக்கத்தை குறைக்க இஞ்சி உதவுகிறது. தேன் சளியை வெளியேற்றவும் இருமலை அமைதிப்படுத்தவும் உதவுகிறது.
சளி இருமல் குறைய நிறைய தண்ணீர் குடியுங்கள்
நீரேற்றமாக இருப்பது சுவாச பாதையில் இருந்து சளியை வெளியேற்ற உதவுகிறது. எனவே நிறைய தண்ணீர் எடுத்து வாருங்கள். இது தொண்டையில் உள்ள சளியை மெல்லியதாக மாற்ற உதவுகிறது. எனவே சளித் தொல்லை இருக்கும் சமயங்களில் வெதுவெதுப்பான நீரை குடிப்பது நல்லது.
உப்பு நீரில் வாய் கொப்புளியுங்கள்
உப்பு நீரை வைத்து வாய் கொப்பளிப்பது உங்கள் தொண்டையை சுத்தம் செய்து சளியை குறைக்க உதவுகிறது. ஒரு கிளாஸ் தண்ணீரில் 1-2 தேக்கரண்டி கல் உப்பு சேர்த்து கொள்ளுங்கள்.
நீரை குலுக்கி கொஞ்சம் உப்பு நீரை வாயில் ஊற்றி தொண்டையில் படும் படி செய்து வாயை கொப்பளிக்க வேண்டும். இது மேல் சுவாசப் பாதையில் தொற்று ஏற்படுவதை தடுக்கிறது.
சளி இருமல் தவிர்க்க சத்தான உணவு
அதிகப்படியான சளியை போக்க ஏலக்காய், வெங்காயம், அன்னாசி, இஞ்சி, பூண்டு, மிளகுத்தூள் போன்றவற்றை அதிகம் சேர்த்துக் கொள்ளுங்கள். காரமான உணவுகள் கெட்டியான சளியை வெளியேற்ற உதவுகிறது.
நீராவி மற்றும் அத்தியாவசிய எண்ணெய்
ஒரு பாத்திரத்தில் தண்ணீர் ஊற்றி சூடாக்கி அதில் அத்தியாவசிய எண்ணெய் சேர்த்து அதில் இருந்து வெளியேறும் நீராவியை முகர்ந்து பார்க்க வேண்டும்.
தினமும் 1-2 முறை இதைச் செய்து வரலாம். நீராவியை உள்ளிழுப்பது உங்கள் சுவாசப் பாதையில் உள்ள சளியை அகற்ற உதவுகிறது.சளியை இளகச் செய்து வெளியேற்றுகிறது.
சளி இருமலைக் குறைக்கும் மூலிகை தேநீர்
புதினா தேநீரில் அழற்சி எதிர்ப்பு பண்புகள், ஆன்டி மைக்ரோபியல் பண்புகள் மற்றும் ஆன்டி ஆக்ஸிடன்கள் காணப்படுகிறது. இது நோயெதிர்ப்பு சக்தியை அதிகரிக்கிறது. சளியை வெளியேற்ற உதவுகிறது.
8சளி இருமலைக் குறைக்கும் நாசி ஸ்ப்ரே
சளி உருவாவதைக் குறைக்கவும், சாதாரண சுவாசத்தை மீட்டெடுக்கவும் நாசி ஸ்ப்ரே உதவுகிறது. நாசி ஸ்ப்ரேயில் உப்பு நீர் உள்ளது. இது சளியை மெல்லியதாக தளர்த்தி வெளியேற்றுகிறது.
சளி இருமல் குறைய பின்பற்ற வேண்டிய விஷயங்கள்
சளித் தொல்லையை போக்க புகைப்பிடித்தலை தவிர்க்க வேண்டும். மது அருந்துதல் கூடாது.
காபியை குறைந்த அளவு எடுத்துக் கொள்ளுங்கள்.
தலையை உயர்த்தி வைத்து படுங்கள்
பால் பொருட்களை தவிருங்கள், சுவாச பயிற்சி செய்யுங்கள்.
No comments:
Post a Comment