தேவையான பொருள்கள்:
ரெடிமேட் மினி பூரி - தேவைக்கேற்ப
புதினா - ஒரு கைப்பிட
கறிவேப்பிலை - ஒரு கைப்பிட
கொத்தமல்லி - ஒரு கைப்பிடி
பச்சை மிளகாய் - ஒன்று
சீரகம் - ஒரு தேக்கரண்டி
மிளகு - 5,
பூண்டு- ஒரு பல்
உருளை - 2
கொண்டைக்கடலை - சிறிது (தேவையெனில்)
வெங்காயம் - ஒன்று
மிளகாய்த் தூள் - கால் தேக்கரண்டி
மஞ்சள் தூள் - ஒரு சிட்டிகை
உப்பு - தேவைக்கேற்ப
செய்முறை:
🔥 புதினா, கறிவேப்பிலை, கொத்தமல்லி, பச்சை மிளகாய், சீரகம், மிளகு, பூண்டு, உப்பு ஆகியவற்றை மிக்ஸியில் போட்டு நன்கு அரைத்துக் கொள்ளவும்.
🔥 அரைத்த விழுதுடன் தேவையான தண்ணீர் சேர்த்து நன்கு கரைத்துக் கொள்ளவும்.
🔥 இந்த தண்ணீர் நீர்க்க இருக்க வேண்டும்.
🔥 உருளை மற்றும் கொண்டைக்கடலையை வேக வைத்து எடுத்துக் கொள்ளவும்.
🔥 மினி பூரிகளை எடுத்துக் கொள்ளவும்.
🔥 உருளை, கொண்டைக்கடலை மற்றும் பொடியாக நறுக்கிய வெங்காயம் ஆகியவற்றை ஒன்றாக சேர்த்து நன்கு பிசையவும்.
🔥 விரும்பினால் கொத்தமல்லியும் சேர்க்கலாம்.
🔥 அதனுடன் மிளகாய்த் தூள், மஞ்சள் தூள், உப்பு சேர்த்து பிசைந்துக் கொள்ளவும்.
🔥 பூரிகளின் மேல் பகுதியில் சிறு ஓட்டை போட்டு அதனுள் சிறிது உருளை மசாலாவை வைக்கவும்.
🔥 சாப்பிடும் நேரத்தில் இதனுடன் அரைத்து வைத்துள்ள புதினா கரைசலை ஊற்றி கொடுக்கவும்.
சுவையான பானி பூரி தயார்.
No comments:
Post a Comment